પુસ્તક વિશે

કર્મયોગ -: આપણને શીખવાડે છે કે, જીવનમાં કર્મ કરવા અપરિહાર્ય છે, પરંતુ મહત્ત્વપૂર્ણ એ છે કે આપણે કયા ભાવ અને સમજની સાથે કર્મ કરીએ છીએ. સ્વામી વિવેકાનંદ આ પુસ્તકમાં નિષ્કામ કર્મના સિદ્ધાંત પર ભાર આપે છે, અર્થાત્ ફળની ઇચ્છા કર્યા વગર કર્તવ્યનું પાલન કરવું. તેઓ બતાવે છે કે, સ્વાર્થરહિત કર્મ જ આપણને બંધનમાંથી મુક્ત કરી શકે છે અને આધ્યાત્મિક ઉન્નતિની તરફ લઈ જઈ શકે છે.આ પુસ્તક વિભિન્ન ઉદાહરણો અને દૃષ્ટાંતોના માધ્યમથી કર્મયોગના ગૂઢ રહસ્યોને સરળ ભાષામાં સમજાવે છે. આ આપણને શીખવાડે છે કે, કેવી રીતે આપણે પોતાના દૈનિક જીવનના સાધારણ કાર્યોને પણ યોગમાં પરિવર્તિત કરી શકીએ છીએ, જેનાથી આપણું જીવન વધારે સાર્થક અને ઉદ્દેશ્યપૂર્ણ બની શકે. ‘કર્મયોગ’ એ સૌ લોકો માટે એક માર્ગદર્શક છે, જે જીવનમાં સફળતા એન શાંતિ પ્રાપ્ત કરવા ઇચ્છે છે અને કર્મના સાચા સ્વરૂપને સમજવા ઇચ્છે છે. આ આપણને કર્મના માધ્યમથી ઈશ્વર સુધી પહોંચવાનો માર્ગ બતાવે છે.

લેખક વિશે

“૧૨ જાન્યુઆરી, ૧૮૬૩ ના રોજ કલકત્તામાં નરેન્દ્રનાથ દત્ત તરીકે જન્મેલા સ્વામી વિવેકાનંદ એક પ્રતિભાશાળી અને આધ્યાત્મિક બાળક હતા. તેમના પિતા વકીલ હતા અને તેમની માતા ખૂબ જ ધાર્મિક હતી. તેઓ બ્રહ્મો સમાજમાં જોડાયા હોવા છતાં, પાછળથી તેમને રામકૃષ્ણ પરમહંસ દ્વારા સાચું આધ્યાત્મિક માર્ગદર્શન મળ્યું, જેમના ઉપદેશોએ તેમનું જીવન બદલી નાખ્યું. ૨૫ વર્ષની ઉંમરે, તેઓ સાધુ બન્યા અને વિવેકાનંદ નામ અપનાવ્યું. તેમણે સમગ્ર ભારતમાં પ્રવાસ કર્યો, લોકોની ગરીબી અને સંઘર્ષ જોયા. તેઓ ગરીબોની સેવા કરવાનું પૂજાનું સ્વરૂપ માનતા હતા.
૧૮૯૩ માં, શિકાગોમાં વિશ્વ ધર્મ સંસદમાં તેમના ભાષણ સાથે, તેમણે પશ્ચિમમાં વેદાંત અને યોગનો પ્રચાર કરીને વિશ્વવ્યાપી ખ્યાતિ મેળવી. ૧૮૯૭ માં, તેમણે રામકૃષ્ણ મિશનની સ્થાપના કરી, જે શિક્ષણ, આરોગ્યસંભાળ અને આપત્તિ રાહતમાં કાર્ય કરવાનું ચાલુ રાખે છે. યુવાનોને તેમનો સંદેશ: “”ઊઠો, જાગો, અને ધ્યેય પ્રાપ્ત ન થાય ત્યાં સુધી રોકાઓ નહીં.”” તેમનો જન્મદિવસ રાષ્ટ્રીય યુવા દિવસ તરીકે ઉજવવામાં આવે છે. ૪ જુલાઈ, ૧૯૦૨ ના રોજ તેમનું અવસાન થયું, પરંતુ તેમના ઉપદેશો આજે પણ લાખો લોકોને પ્રેરણા આપે છે.”